Bonn Alaaf! Dat Theater Bonn wünsch ne schöne Fastelovend!

Leev Jecke, et geiht widder loss! Fastelovend hätt Bonn voll em Greff, wie och uns Theater!

Su hätt uns am 12. Februar dat Bonner Prinzenpaar en d'r Corny Collins Show bei HAIRSPRAY op der Bühn üvverrasch - d'r Saal wor am bevve!

Uns' Kostümverkauf vörgestere wor och ene Knaller: Luuter Kostüme us uns' ahle Inszenierungen han neue Lück gefunge. Verleech steiht jo baal ne Don Giovanni oder ne Figaro op d'r Stroß un röf „Kamelle!“!?

Un et kütt noch besser: Am Friedag, däm 28. Februar, geiht et wigger met „Kunterbunt”, enem Fastelovendkonzäät vum Beethoven Orchester Bonn. Do geiht et rääch rund – et kann all passeere, nor langwielig weed et nit!

Ejal, ov Ehr schunkelt, danzt oder einfach nor de jode Zick geneeßt – mer wünsche Üch ne schöne Fastelovend!

Dreimol vun Hätze Bonn Alaaf!